ಅಮೃತಬಳ್ಳಿ – ಅದ್ಭುತ ಆರೋಗ್ಯ ಪ್ರಯೋಜನಗಳು ಮತ್ತು ಬಳಕೆಯ ವಿಧಾನ!

ಜ್ವರಕ್ಕೆ ಸೂಕ್ತ ಮದ್ದು ಅಮೃತಬಳ್ಳಿ

• ಅಮೃತಬಳ್ಳಿಯ ಕಾಂಡವನ್ನು ಚೆನ್ನಾಗಿ ತೊಳೆದು ರಾತ್ರಿ ನೆನೆಸಿಟ್ಟು ಬೆಳಿಗ್ಗೆ  ಕಿವುಚಿ ಶೋಧಿಸಿಕೊಂಡು ಕುಡಿಯುವುದರಿಂದ ಜ್ವರವು ಕಡಿಮೆಯಾಗುತ್ತದೆ .
• ಅಮೃತಬಳ್ಳಿ ಹಾಗೂ ಒಂದು ಇಂಚು ಶುಂಠಿ ಇವೆರಡನ್ನೂ ಚೆನ್ನಾಗಿ ಕುದಿಸಿ ಕಷಾಯ ಮಾಡಿ ಕೆಲವು ದಿನಗಳ ಕಾಲ ಸೇವಿಸಿದರೆ ಜ್ವರವು ಕಡಿಮೆಯಾಗುತ್ತದೆ.
• ಅಮೃತಬಳ್ಳಿ ಎಲೆ ಹಾಗೂ ಕಾಂಡವನ್ನು ಚೆನ್ನಾಗಿ ತೊಳೆದು ತೆಗೆದುಕೊಳ್ಳಬೇಕು, ಎರಡು ಲೋಟ ನೀರಿಗೆ ಅಮೃತಬಳ್ಳಿ ಎಲೆ ಮತ್ತು ಕಾಂಡ, ಅರ್ಧ ಅರಿಶಿಣ ಕೊಂಬಿನ ತುಂಡು (ಪುಡಿ ಮಾಡಿಕೊಂಡು), ಅರ್ಧ ಈರುಳ್ಳಿ, ಎಂಟು ಕಾಳುಮೆಣಸು, ಎರಡು ಚಕ್ಕೆ ಹಾಗೂ ಒಂದು ಚಮಚ ಜೀರಿಗೆ ಹಾಕಿ ಚೆನ್ನಾಗಿ ಅರ್ಧದಷ್ಟು ಇಂಗುವಂತೆ ಕುದಿಸಬೇಕು, ಶೋಧಿಸಿ ಕುಡಿಯಬೇಕು. ಇದು ಯಾವುದೇ ರೀತಿಯ ಜ್ವರಕ್ಕೆ ಉಪಯುಕ್ತವಾಗಿದೆ.