ಮುಖದ ಅನಾವಶ್ಯಕ ಕೂದಲು, ಕಪ್ಪು ಛಾಯೆ ಮತ್ತು ಹೊಳೆಯುವ ಚರ್ಮಗಾಗಿ ಸುಲಭ ಮನೆ ಪರಿಹಾರಗಳು (Simple Home Remedies for Facial Hair, Dark Patches & Glowing Skin)

ಕೈ ಮೇಲೆ, ಕಾಲ ಮೇಲೆ ಕೂದಲು ಬೆಳೆಯುವುದು ಸಹಜ, ಹಾಗೆಯೇ ಮುಖದ ಮೇಲೂ ಕೂಡ ದೊಡ್ಡ ಕೂದಲು ಕೆಲವೊಮ್ಮೆ ಬೆಳೆಯುತ್ತದೆ. ಇದು ಎಷ್ಟೇ ಮೇಕ್ ಅಪ್ ಮಾಡಿದರೂ ಕೂಡ ಕಾಣುತ್ತದೆ. ಹಾಗೆಯೇ ಕೂದಲು ದೊಡ್ಡದಿರುವಾಗ ಮೇಕ್ಅಪ್ ಮಾಡುವುದು ಅಸ್ಟು ಸರಿಯಾಗಿ ಕಾಣುವುದಿಲ್ಲ. ಹಾಗಾಗಿ ನೈಸರ್ಗಿಕ ವಿಧಾನಗಳಲ್ಲಿ ಮುಖದ ಕೂದಲನ್ನು ನಿವಾರಿಸುವ ಬಗೆಯನ್ನು ಈಗ ಅರಿಯೋಣ.

ಮುಖದ ಅನಾವಶ್ಯಕ ಕೂದಲು ನಿವಾರಣೆಗೆ ಒಂದು ಉತ್ತಮ ಪರಿಹಾರವೆಂದರೆ ಒಂದು ಲೋಟ ತೊಗರಿಬೇಳೆಗೆ ಅರ್ಧ ಕಪ್ ನಷ್ಟು ತೆಂಗಿನ ನೀರನ್ನು ಬೆರೆಸಿ, ರಾತ್ರಿಯಿಡಿ ನೆನೆಯಲು ಬಿಡಬೇಕು. ನಂತರ ನಾಲ್ಕು ದಿನಗಳ ಕಾಲ ಬಿಸಿಲಲ್ಲಿ ಈ ನೆನೆಸಿದ ತೊಗರಿಬೇಳೆಯನ್ನು ಒಣಗಿಸಬೇಕು. ಹಾಗೆಯೇ ನಂತರ ಚೆನ್ನಾಗಿ ಒಣಗಿದ ಈ ತೊಗರಿಬೇಳೆಯನ್ನು ಪುಡಿ ಮಾಡಿಕೊಳ್ಳಬೇಕು. ಹಾಗೆಯೇ ಒಣಗಿದ ಮುಸುಂಬಿ ಹಣ್ಣಿನ ಸಿಪ್ಪೆಯನ್ನು ಕೂಡ ನುಣ್ಣಗೆ ಪುಡಿ ಮಾಡಿಕೊಳ್ಳಬೇಕು. ಎರಡು ಪುಡಿಯನ್ನು ಬೆರೆಸಿ ಒಂದು ಡಬ್ಬದಲ್ಲಿ ಮುಚ್ಚಿಡಬೇಕು. ಪ್ರತಿದಿನ ಎರಡು ಚಮಚ ಈ ತಯಾರಿಸಿದ ಪುಡಿಯನ್ನು ನೀರಿನಲ್ಲಿ ಕಲಸಿ, ಮಿಶ್ರಣವನ್ನು ತಯಾರಿಸಿ, ಮುಖಕ್ಕೆ ಹಚ್ಚಿಕೊಂಡು ಒಣಗಿಸಬೇಕು. ನಂತರ ಕೈಯಿಂದ ಉಜ್ಜಬೇಕು. ಅಲ್ಲಿಗೆ ಮುಖದಲ್ಲಿನ ಕೂದಲು ಕೂಡ ನಿವಾರಣೆಯಾಗುತ್ತದೆ. ಇಷ್ಟು ಸುಲಭ ವಿಧಾನದಲ್ಲಿ ಮನೆಯಲ್ಲೇ ನಾವು ಹೇರ್ ರಿಮೂವರ್ ಪೇಸ್ಟ್ ಅನ್ನು ಸಿದ್ದಗೊಳಿಸಬಹುದು.