ಬೇರಿನ ಟೀ: ಆರೋಗ್ಯ ಮತ್ತು ರೋಗನಿರೋಧಕ ಶಕ್ತಿಗೆ ರಹಸ್ಯಮಯ ಪಾನೀಯ

ಬೇಕಾಗುವ ಪದಾರ್ಥಗಳು 

• ಬಿಲ್ವದ ಬೇರು- 2 ತುಂಡು
• ಸೋಂಪು ಕಾಳು- 1/2 ಚಮಚ
• ಭತ್ತದ aralu- 1 ಚಮಚ
• ಏಲಕ್ಕಿ – 2
• ಶುಂಠಿ – ಒಂದು ಸಣ್ಣ ತುಂಡು
• ಜೇನುತುಪ್ಪ 1 ಚಮಚ
• ನಿಂಬೆ ರಸ – 1 ಚಮಚ

ಮಾಡುವ ವಿಧಾನ
ಬಿಲ್ವ ಮರದ ಬೇರನ್ನು ಚೆನ್ನಾಗಿ ತೊಳೆದು ಜಜ್ಜಿಕೊಳ್ಳಬೇಕು. ಒಂದು ಪಾತ್ರೆಗೆ 2 ಲೋಟ ನೀರು ಹಾಕಿ ಮೇಲೆ ಹೇಳಿದ ಪ್ರಮಾಣದಲ್ಲಿ ಸೋಂಪು ಕಾಳು, ಭತ್ತದ ಅರಳು,ಶುಂಠಿ,ಏಲಕ್ಕಿ ಹಾಗೂ ಜಜ್ಜಿದ ಬಿಲ್ವದ ಬೇರನ್ನು ಹಾಕಿ ಚೆನ್ನಾಗಿ ಕುದಿಸಬೇಕು. ನಂತರ ಶೋಧಿಸಿ ನಿಂಬೆರಸ ಹಾಗು ಜೇನುತುಪ್ಪ ಸೇರಿಸಿ ಕುಡಿಯಬೇಕು. ಗಂಟಲಿಗೆ ಆರಾಮ ನೀಡುವ ಟೀ ಕೂಡ ಎನ್ನಬಹುದು.

ಉಪಯೋಗಗಳು

• ಬಿಲ್ವ ಬೇರಿನ ಟೀ ದೇಹದ ಯಾವುದೇ ಭಾಗದ ನೋವಿಗೆ ಉಪಶಮನ ನೀಡುತ್ತದೆ.
• ಮಕ್ಕಳಲ್ಲಿ ಕಂಡುಬರುವ ಅತಿಸಾರ, ಬೇಧಿಗೆ ಈ ಟೀ ಉತ್ತಮವಾಗಿದೆ.
• ಹೊಟ್ಟೆ ನೋವಿಗೆ ಉತ್ತಮ ಔಷಧಿ.
• ಉಬ್ಬಸ ಸಮಸ್ಯೆ, ಹೃದಯ ಬಡಿತದ ಏರಿಳಿತಗಳ ನಿಯಂತ್ರಣಕ್ಕೆ ಉಪಯುಕ್ತವಾಗಿದೆ.
• ಮೂಲವ್ಯಾಧಿಗೆ ಬಿಲ್ವ ಮರದ ಟೀ ತುಂಬಾ ಸೂಕ್ತವಾದ ಮದ್ದಾಗಿದೆ.

ಬೇಕಾಗುವ ಪದಾರ್ಥಗಳು 

• ಶತಾವರಿ ಬೇರು – 1 ತುಂಡು 
• ಜೇನುತುಪ್ಪ – 1 ಚಮಚ
• ಹಾಲು – ಒಂದು ಲೋಟ
• ಏಲಕ್ಕಿ ಪುಡಿ –  1/2 ಚಮಚ

ಮಾಡುವ ವಿಧಾನ
ಶತಾವರಿ ಬೇರನ್ನು ನೀರಿನಲ್ಲಿ ಚೆನ್ನಾಗಿ ತೊಳೆದು ಎರಡು ಲೋಟ ನೀರಿಗೆ ಹಾಕಿ ಕುದಿಯಲು ಇಡಬೇಕು. ಚೆನ್ನಾಗಿ ಕುದ್ದು ಅರ್ಧದಷ್ಟು ಆದ ನಂತರ ಒಲೆ ಆರಿಸಿ, ಶೋಧಿಸಬೇಕು. ಸ್ವಲ್ಪ ಬಿಸಿ ಆರಿದ ನಂತರ ಹಾಲು, ಏಲಕ್ಕಿ ಪುಡಿ, ಜೇನುತುಪ್ಪ ಬೆರೆಸಿ ಕುಡಿದರೆ ಶತಾವರಿ ಬೇರಿನ ಟೀ ಸವಿಯಲು ಸಿದ್ಧವಾಗುತ್ತದೆ.

ಉಪಯೋಗಗಳು

• ಹೆಂಗಸರು ದಿನ ನಿತ್ಯ ಕುಡಿಯಲೇ ಬೇಕಾದ ಟೀ. ಹೆಂಗಸರಲ್ಲಿ ಮುಟ್ಟು ನಿಲ್ಲುವ ಸಮಯದಲ್ಲಿ ಕಾಣಿಸುವ ಸಮಸ್ಯೆಗಳಿಗೆ, ವಿಪರೀತ ರಕ್ತಸ್ರಾವ ಆದಾಗ, ಮೈ ಕೈ ನೋವು ಉಂಟಾದಾಗ ಇದು ಉತ್ತಮ ಪ್ರತಿಫಲವನ್ನು ನೀಡುತ್ತದೆ.
• ಹೆಂಗಸರ ವೈಟ್ ಡಿಸ್ಚಾರ್ಜ್ ಸಮಸ್ಯೆಗೂ ಸೂಕ್ತ ಮದ್ದು.
• ಹೆಂಗಸರಿಗೆ ಅಥವಾ ಗಂಡಸರಿಗೆ ಉಂಟಾಗುವ ಸಂತಾನದ ಸಮಸ್ಯೆಗಳ ಔಷಧಿಗಳಲ್ಲಿ ಇದು ಒಂದಾಗಿದೆ.
• ಬಾಣಂತಿಯರು ಕೂಡ ಈ ಟೀ ಸೇವಿಸುವುದು ಅತೀ ಉತ್ತಮ.
• ಸಂತಾನೋತ್ಪತ್ತಿ ಕ್ರಿಯೆಯ ಯಾವುದೇ ಸಮಸ್ಯೆಗಳಿಗೂ ಈ ಟೀ ಸತ್ವಗಳು ಉಪಯುಕ್ತವಾಗಿದೆ.
• ಸರ್ಪಸುತ್ತು, ಕ್ಯಾನ್ಸರ್ ದುಷ್ಪರಿಣಾಮಗಳು, ಆಸಿಡಿಟಿ, ಶ್ವಾಸಕೋಶ ಹಾಗು ಮೂತ್ರಕೋಶ ಗಳ ಸಂಬಂಧಿ ಸಮಸ್ಯೆಗಳಿಗೂ ಉತ್ತಮ ಪರಿಹಾರ ನೀಡುತ್ತದೆ.