ಕಿತ್ತಳೆ ಹಣ್ಣಿನ ಅದ್ಭುತ ಗುಣಗಳೊಂದಿಗೆ ಆರೋಗ್ಯದ ರಹಸ್ಯ!! ಚರ್ಮದ ರಕ್ಷಣೆ, ಕಿತ್ತಳೆ ಹಲ್ವ, ಮತ್ತು ಆರೆಂಜ್ ಜೆಲ್ಲಿ ರೆಸಿಪಿ (Benefits of eating oranges)

ಕಿತ್ತಳೆಯ ಹಲ್ವ –

ಕಿತ್ತಳೆ ಹಣ್ಣಿನ ರಸವನ್ನು ತೆಗೆದುಕೊಳ್ಳಬೇಕು ಅಂದಾಜು ದೊಡ್ಡ 3 ಕಿತ್ತಳೆ ಹಣ್ಣಿನ ರಸ ,ಅದಕ್ಕೆ ಒಂದು ಕಪ್ ಕಾರ್ನ್ ಫ್ಲೋರನ್ನು ಬೆರೆಸಿ ಗಂಟಾಗದಂತೆ ಚೆನ್ನಾಗಿ ಕಲಸಬೇಕು. ನಂತರ ಒಂದು ಪಾತ್ರೆಗೆ ಒಂದು ಕಪ್ ಸಕ್ಕರೆ ಮತ್ತು ಅರ್ಧ ಕಪ್ ನೀರು ಹಾಕಿ ಸಕ್ಕರೆ ಪಾಕಕ್ಕೆ ಸಿದ್ಧಗೊಳಿಸಬೇಕು. ಕುದಿಯುತ್ತಿರುವ ಸಕ್ಕರೆ ಪಾಕಕ್ಕೆ ಮೊದಲೇ ತಯಾರಿಸದ ಮಿಶ್ರಣ ಹಾಕಿ ತಳ ಹಿಡಿಯದಂತೆ ಕಲಸಬೇಕು. ಕಲಸುವಾಗ ಒಂದೊದು ಚಮಚ ತುಪ್ಪ ಸೇರಿಸುತ್ತಾ ಕಲಸಬೇಕು. ಹಾಗೆಯೇ ತುಪ್ಪದಲ್ಲಿ ಹುರಿದ ಒಣ ದ್ರಾಕ್ಷಿ, ಗೋಡಂಬಿ, ಬಾದಾಮಿ ಹಾಗು ಪಿಸ್ತಗಳನ್ನು ಸೇರಿಸಬೇಕು. ಹೀಗೆ ಒಂದು 5 ದೊಡ್ಡ ಚಮಚ ತುಪ್ಪ ಸೇರಿಸಿ ಮಿಶ್ರಣ ಹಲ್ವದ ಹದಕ್ಕೆ ಬಂದ ತಕ್ಷಣ ಒಂದು ತುಪ್ಪ ಸವರಿದ ತಟ್ಟೆಗೆ ಹಾಕಿ ಚೌಕ ಆಕರವಾಗಿ ಕತ್ತರಿಸಿ ಆರಿದ ನಂತರ ತಿನ್ನಲು ಸಿದ್ಧವಾಗುತ್ತದೆ ಕಿತ್ತಳೆ ಹಲ್ವ.

ಮಕ್ಕಳಿಗೆ ಇಷ್ಟವಾಗುವ ಆರೆಂಜ್ ಜೆಲ್ಲಿ-

ಕಿತ್ತಳೆ ಹಣ್ಣಿನ ರಸವನ್ನು ತೆಗೆದುಕೊಳ್ಳಬೇಕು. ಒಂದು ದೊಡ್ಡ ಹಣ್ಣಿನ ರಸಕ್ಕೆ ಒಂದೆರೆಡು ಚಮಚ ಸಕ್ಕರೆ ಅಥವಾ ಮಕ್ಕಳಿಗಾಗಿ ಕೆಂಪು ಕಲ್ಲುಸಕ್ಕರೆ ಉಪಯೋಗಿಸಬಹುದು. ಹಣ್ಣು ತುಂಬಾ ಸಿಹಿಯಾಗಿದ್ದಾರೆ ಸಕ್ಕರೆಯ ಅವಶ್ಯಕತೆ ಕಡಿಮೆ. ನಮ್ಮ ರುಚಿಗೆ ಅನುಸಾರ ಸಿಹಿಯನ್ನು ಬಳಸಬೇಕು. ಈ ಸಿಹಿ ಕಿತ್ತಳೆ ರಸದ ಮಿಶ್ರಣಕ್ಕೆ ಚೈನಾ ಗ್ರಾಸ್ ಒಂದು ಸ್ವಲ್ಪ ಹಾಕಿ ಚೆನ್ನಾಗಿ ಕುದಿ ಬರುವವರೆಗೂ ಕಲಸಬೇಕು ನಂತರ 2 ನಿಮಿಷ ಕುದಿಯುತ್ತಾ ಜೆಲ್ಲಿ ಯ ರೂಪಕ್ಕೆ ಬಂದ ತಕ್ಷಣ ಒಂದು ಚಾಕೊಲೇಟ್ ಮೌಲ್ಡ್ ನಲ್ಲಿ ಹಾಕಿ ಸ್ವಲ್ಪ ಹೊತ್ತು ಬಿಟ್ಟರೆ ಆರೆಂಜ್ ಜೆಲ್ಲಿ ತಿನ್ನಲು ಸಿದ್ಧವಾಗುತ್ತದೆ.