ಹಣ್ಣುಗಳ ಸಲಾಡ್ ಸೇವನೆಯಿಂದ ಆರೋಗ್ಯದ ಅತ್ಯುತ್ತಮ ಲಾಭಗಳು (Fruit Salad for health)

ಹಣ್ಣುಗಳ ಉಪಯೋಗಗಳನ್ನು ನಾವು ಅನೇಕ ಕಡೆಯಲ್ಲಿ, ಅನೇಕ ರೀತಿಯಲ್ಲಿ ಮಾಡುತ್ತೇವೆ. ಹೆಚ್ಚಾಗಿ ಹಣ್ಣಿನ ಜ್ಯೂಸ್ ಮಾಡಿ ಕುಡಿಯುವುದು ನೋಡಿದ್ದೇವೆ. ಆದರೆ ಹಣ್ಣುಗಳ ಸಲಾಡ್ ಗಳ ಪರಿಚಯ ನಿಮಗೆ ಇದೆಯೇ? ಬೇಸಿಗೆಯಲ್ಲಿ ದೇಹವನ್ನು ತಂಪಾಗಿರಿಸಲು, ಅರೋಗ್ಯನ್ನು ಉತ್ತಮವಾಗಿರಿಸಲು ಈ ಸಲಾಡ್ ಗಳು ಅತಿ ಉತ್ತಮವಾಗಿದೆ. ಹಣ್ಣಿನ ಮೂಲತ್ವವನ್ನು ಕಾಪಾಡಿಕೊಂಡು ಆಹಾರದಲ್ಲಿ ಸ್ವೀಕರಿಸುವ ಸುಲಭ ಮಾರ್ಗವೆಂದರೆ ಸಲಾಡ್ ಗಳು. ಇಂದಿನ ಲೇಖನದಲ್ಲಿ ವಿವಿಧ ಹಣ್ಣುಗಳ ರುಚಿಕರ ಸಲಾಡ್ ಗಳ ಪರಿಚಯ, ತಯಾರಿಕಾ ವಿಧಾನಗಳು ಹಾಗೂ ಆರೋಗ್ಯಕರ ಪ್ರಯೋಜನಗಳ ಬಗ್ಗೆ ಮಾಹಿತಿಗಳನ್ನು ಪಡೆಯೋಣ.

ಬೇಕಾಗುವ ಪದಾರ್ಥಗಳು

• ಕಿವಿ ಹಣ್ಣು 3
• ಮಿಟ್ಲಿ ಬಾಳೆ ಹಣ್ಣು 2
• ಏಲಕ್ಕಿ ಪುಡಿ ¼ ಚಮಚ
• ಜೇನುತುಪ್ಪ

ಮಾಡುವ ವಿಧಾನ
ಕಿವಿ ಹಣ್ಣುಗಳನ್ನು ಸಿಪ್ಪೆ ಸುಲಿದು ಸಣ್ಣಗೆ ಹೆಚ್ಚಿಕೊಳ್ಳಬೇಕು. ಜೊತೆಗೆ ಬಾಳೆಹಣ್ಣನ್ನು ಸಣ್ಣಗೆ ಹೆಚ್ಚಿಕೊಂಡು, ಎರಡನ್ನು ಮಿಶ್ರಣ ಮಾಡಬೇಕು. ಸ್ವಲ್ಪ ಏಲಕ್ಕಿ ಪುಡಿ ಬೆರೆಸಿ, ಮೇಲಿನಿಂದ ಜೇನುತುಪ್ಪವನ್ನು ಹಾಕಿ ಕಲಸಿದರೆ, ಕಿವಿ ಹಣ್ಣಿನ ಸಲಾಡ್ ಸವಿಯಲು ಸಿದ್ದವಾಗುತ್ತದೆ.

ಪ್ರಯೋಜನಗಳು

• • ವಿಟಮಿನ್ ಸಿ ಅಧಿಕವಾಗಿರುವುದರಿಂದ ಈ ಸಲಾಡ್ ನಿಶ್ಯಕ್ತಿ, ಬಳಲಿಕೆ ಹಾಗೂ ಆಯಾಸವಾದಾಗ ಅತಿ ಉತ್ತಮ ಆಹಾರವಾಗುತ್ತದೆ.
  • ನಿದ್ರಾ ಹೀನತೆಗೆ ಇದು ಉತ್ತಮ ಆಹಾರವಾಗಿದೆ.
  • ಅಧಿಕ ಖನಿಜಗಳು, ನಾರು ಹಾಗೂ ವಿಟಮಿನ್ ಇ ಹಾಗೂ ಕೆ ಇವೆಲ್ಲದರ ಗಣಿಯಾಗಿರುವ ಈ ಸಲಾಡ್ ರಕ್ತದಲ್ಲಿನ ಬಿಳಿ ರಕ್ತ ಕಣಗಳನ್ನು ವೃದ್ಧಿಸಲು ಸಹಕಾರಿಯಾಗಿದೆ.
  • ನಾರಿನ ಅಂಶ ಅಧಿಕವಾಗಿರುವುದರಿಂದ ದೇಹದಲ್ಲಿನ ಕೊಬ್ಬನ್ನು ಕರಗಿಸಿ, ತೂಕ ಇಳಿಸಲು ಉಪಕಾರಿಯಾಗಿದೆ.
  • ಉಬ್ಬಸ, ದಮ್ಮು ಹಾಗೂ ಇನ್ನಿತರ ಶ್ವಾಸಕೋಶ ಸಂಬಂಧಿ ಸಮಸ್ಯೆಗಳಿಗೂ ಇದು ಉತ್ತಮ ಪರಿಹಾರವಾಗಿದೆ.
  • ಕಿವಿ ಹಣ್ಣಿನ ಸಲಾಡ್ ಮೂಳೆಗಳ ಆರೋಗ್ಯಕ್ಕೆ ಉತ್ತಮವಾಗಿದ್ದು, ಬಲವರ್ಧಕವಾಗಿದೆ.
  • ರಕ್ತದ ಒತ್ತಡವನ್ನು ನಿಯಂತ್ರಿಸಿ, ಹೃದಯದ ಅರೋಗ್ಯವನ್ನು ಉತ್ತಮವಾಗಿರಿಸುತ್ತದೆ.
  • ನಮ್ಮ ದೇಹದಲ್ಲಿನ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಉತ್ತಮ ಆಹಾರ ಇದಾಗಿದೆ. ಆರೋಗ್ಯ ವರ್ಧಕವೂ ಕೂಡ ಆಗಿದೆ.

ಡಿಸ್ಕ್ಲೈಮರ್: ಈ ಬ್ಲಾಗ್‌ನಲ್ಲಿ ನೀಡಿರುವ ಮಾಹಿತಿಯು ಕೇವಲ ಸಾಮಾನ್ಯ ಉದ್ದೇಶಗಳಿಗಾಗಿ. ವೈದ್ಯಕೀಯ, ಹಣಕಾಸು, ಹೂಡಿಕೆ ಅಥವಾ ಕಾನೂನು ಸಲಹೆಗೆ ತಜ್ಞರನ್ನೇ ಸಂಪರ್ಕಿಸಿ. ಈ ಬ್ಲಾಗ್‌ನಲ್ಲಿ ಶೇರ್ ಮಾಡಲಾದ ಯಾವುದೇ ಆಹಾರ  ಅಥವಾ ಪಾಕವಿಧಾನಗಳನ್ನು ಬಳಸುವ ಮೊದಲು, ನಿಮ್ಮ ಆರೋಗ್ಯ ಸ್ಥಿತಿಗೆ ಅನುಗುಣವಾಗಿ ಅಥವಾ ಯಾವುದೇ ಅಲರ್ಜಿಯ ಕುರಿತು ತಜ್ಞರ ಸಲಹೆ ಪಡೆಯಲು ಶಿಫಾರಸು ಮಾಡಲಾಗುತ್ತದೆ. ಈ ಪೋಸ್ಟ್‌ನಲ್ಲಿ ಬಳಸಲಾದ ಯಾವುದೇ ಚಿತ್ರಗಳು ಅಥವಾ ಲೋಗೋಗಳು ಆಯಾ ಮಾಲೀಕರ ಆಸ್ತಿಯಾಗಿದ್ದು, ವಿವರಣಾತ್ಮಕ ಉದ್ದೇಶಗಳಿಗಾಗಿ ಮಾತ್ರ ಬಳಸಲಾಗುತ್ತದೆ.