ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ತಿನ್ನಿ ಗಜ್ಜರಿ: ಪ್ರತಿದಿನ ಕ್ಯಾರೆಟ್ ಸೇವನೆಯ ಆರೋಗ್ಯ ಲಾಭಗಳು

ಕ್ಯಾರೆಟ್ ಸೇವನೆಯು ಹಲವು ಲಾಭಕರ ಅಂಶಗಳನ್ನು ಹೊಂದಿದ್ದು, ನಮ್ಮ ಆರೋಗ್ಯಕ್ಕೆ ಅತಿ ಉತ್ತಮವಾಗಿದೆ. ಎಲ್ಲರೂ ಕ್ಯಾರೆಟ್ ಅನ್ನು ಸ್ವೀಕರಿಸಬಹುದು. ಸಕ್ಕರೆ ಖಾಯಿಲೆಯಿಂದ ಬಳಳುತ್ತಿರುವವರು ಕೂಡ ಹಸಿಯಾಗಿ ಕ್ಯಾರೆಟ್ ಅನ್ನು ತಿನ್ನಬಹುದು. ಇನ್ನೂ ಅಸ್ತಮ, ದಮ್ಮು, ಹೃದಯದ ಸಮಸ್ಯೆ, ಮೂತ್ರಕೋಶದ ತೊಂದರೆಗಳು, ಇವೆಲ್ಲದಕ್ಕೂ ಕ್ಯಾರೆಟ್ ಉತ್ತಮ ಪರಿಹಾರವನ್ನು ನೀಡುತ್ತದೆ. ಕ್ಯಾರೆಟ್ ನಲ್ಲಿ ಅನೇಕ ಆರೋಗ್ಯಕರ ಅಂಶಗಳಿದ್ದು ಮನೆಮದ್ದಿಗೆ ಉತ್ತಮವಾಗಿದೆ. ಕಡಿಮೆ ಕ್ಯಾಲೋರಿ ಹಾಗೂ ಉತ್ತಮ ನಾರಿನಾಂಶ ಇರುವ ಕಾರಣ ತೂಕ ಇಳಿಸುವವರಿಗೂ ಕೂಡ ಇದು ಉತ್ತಮ ಆಹಾರವಾಗಿದೆ. ಹಾಗೆಯೇ ಅಡುಗೆಯಲ್ಲಿ ಕೂಡ ಹಲ್ವಾ, ಪಾಯಸ, ಹಲ್ವಾ, ಕೋಸಂಬರಿ ಇಂತಹ ಅನೇಕ ಅಡುಗೆಗಳಲ್ಲಿ ಉಪಯೋಗಿಸಲಾಗುತ್ತದೆ. ಪ್ರತಿದಿನ ಹಸಿರು ಸಲಾಡ್ ಮಾಡಿ ತಿನ್ನುವ ಅಭ್ಯಾಸ ಮಾಡಿಕೊಳ್ಳಬೇಕು. ಸೌತೆಕಾಯಿ, ಕ್ಯಾರೆಟ್, ಈರುಳ್ಳಿ, ಹಸಿರು ಸೊಪ್ಪುಗಳನ್ನೆಲ್ಲ ಸೇರಿಸಿ ಹಸಿರು ಸಲಾಡ್ ತಯಾರಿಸಿ ತಿನ್ನುವುದು ಅರೋಗ್ಯಕರವಾಗಿದೆ. ಇಷ್ಟೆಲ್ಲ ಉಪಯುಕ್ತವಾಗಿರುವ ಕ್ಯಾರೆಟ್ ಅನ್ನು ಸೇವಿಸಿ ಉತ್ತಮ ಅರೋಗ್ಯವನ್ನು ನಮ್ಮದಾಗಿಸಿಕೊಳ್ಳುವ ಎಂಬುದು ನಮ್ಮ ಆಶಯ.