ಸಂಜೆ ಚಹಾ ಸಮಯದ ತಿಂಡಿಗೆ ರುಚಿಕರವಾದ ಸಸ್ಯಾಹಾರಿ ಕಟ್ಲೆಟ್ ಪಾಕವಿಧಾನಗಳು

ಬೇಕಾಗುವ ಪದಾರ್ಥಗಳು

• ಬೀನ್ಸ್ ½ ಕಪ್
• ಹುಕೋಸು ½ ಕಪ್
• ನೆನೆಸಿದ ಹಸಿರು ಬಟಾಣಿ ½ ಕಪ್
• ಹಸಿಮೆಣಸು 2
• ಶುಂಠಿ 1 ಇಂಚು
• ಕೊತ್ತಂಬರಿ ಸೊಪ್ಪು
• ಗರಂ ಮಸಾಲೆ ಪುಡಿ ½ ಚಮಚ
• ಉಪ್ಪು 
• ಬ್ರೆಡ್ ಪುಡಿ
• ಕಾರ್ನ್ ಫ್ಲೋರ್ 1 ಚಮಚ
• ಎಣ್ಣೆ

ಮಾಡುವ ವಿಧಾನ
ಮೊದಲಿಗೆ ತರಕಾರಿಗಳಾದ ಹುಕೋಸು, ಬೀನ್ಸ್ ಎರಡನ್ನು ಬೇಯಿಸಿಕೊಳ್ಳಬೇಕು. ಹಾಗೆಯೇ ನೆನೆಸಿದ  ಬಟಾಣಿಯನ್ನು ಸಹ ಬೇಯಿಸಿಕೊಳ್ಳಬೇಕು. ಎಲ್ಲವೂ ಬೆಂದ ನಂತರ ಒಂದು ಪಾತ್ರೆಗೆ ಹಾಕಿ ಚೆನ್ನಾಗಿ ಕಿವುಚಬೇಕು. ನಂತರ ಕಿವುಚಿದ ತರಕಾರಿ ಹಾಗೂ ಬಟಾಣಿ ಮಿಶ್ರಣಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು, ಗರಂ ಮಸಾಲಾ ಪುಡಿ, ಸಣ್ಣಗೆ ಹೆಚ್ಚಿದ ಹಸಿಮೆಣಸು, ಸಣ್ಣಗೆ ಹೆಚ್ಚಿದ ಶುಂಠಿ, ಕೊತ್ತಂಬರಿ ಸೊಪ್ಪನ್ನು ಹಾಕಿ ಕಲಸಿಕೊಳ್ಳಬೇಕು. ನಂತರ ಬೇಕಾದ ಆಕಾರದಲ್ಲಿ ಕಟ್ಲೆಟ್ ಗಳನ್ನು ಸಿದ್ದಪಡಿಸಿಕೊಳ್ಳಬೇಕು. ಇನ್ನೊಂದು ಕಡೆಯಲ್ಲಿ ಕಾರ್ನ್ ಫ್ಲೋರ್ ಅನ್ನು ನೀರಲ್ಲಿ ಗಂಟಾಗದಂತೆ ಬೆರೆಸಿಕೊಳ್ಳಬೇಕು. ಈಗ ಒಂದೊಂದೇ ಕಟ್ಲೆಟ್ ಗಳನ್ನು ಕಾರ್ನ್ ಫ್ಲೋರ್ ನೀರಿನಲ್ಲಿ ಅದ್ದಿಕೊಂಡು, ಬ್ರೆಡ್ ಹುಡಿಯ ಮೇಲೆ ಹೊರಲಾಡಿಸಬೇಕು. ಒಂದು ಕಾವಲಿಗೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಲು ಇಡಬೇಕು. ಎಣ್ಣೆ ಬಿಸಿಯಾದ ನಂತರ ಕಟ್ಲೆಟ್ ಅನ್ನು ಕಂದು ಬಣ್ಣ ಬರುವ ತನಕ ಎರಡು ಬದಿಯಲ್ಲಿ ಚೆನ್ನಾಗಿ ಕರಿಯಬೇಕು. ಅಲ್ಲಿಗೆ ರುಚಿಕರ ತರಕಾರಿ ಕಟ್ಲೆಟ್ ಸವಿಯಲು ಸಿದ್ದವಾಗುತ್ತದೆ.