ಶ್ರೀ ಮಹಾದೇವನ ಪ್ರಿಯವಾದ ಬಿಲ್ವಪತ್ರೆ: ಮಹಿಮೆ, ಆರೋಗ್ಯ, ಧಾರ್ಮಿಕ ಮಹತ್ವ ಮತ್ತು ಉಪಯೋಗಗಳು

ಬಿಲ್ವಪತ್ರೆ: ಮಹಿಮೆ, ಆರೋಗ್ಯ, ಧಾರ್ಮಿಕ ಮಹತ್ವ ಮತ್ತು ಉಪಯೋಗಗಳು

Spread the love

ನಮ್ಮ ಪರಿಸರದ ಇನ್ನೊಂದು ಅಮೂಲ್ಯ ಹಸಿರು ರತ್ನವೆಂದರೆ ಬಿಲ್ವ ವೃಕ್ಷ. ಅನೇಕ ಆರೋಗ್ಯವರ್ಧಕ ಗುಟ್ಟುಗಳನ್ನು ತನ್ನಲ್ಲಿ ವಿಲೀನವಾಗಿಸಿಕೊಂಡು ಸಮೃದ್ಧವಾಗಿ ಬೆಳೆಯುವ ಈ ಬಿಲ್ವ ವೃಕ್ಷಕ್ಕೆ ಇನ್ನು ಅನೇಕ ಹೆಸರುಗಳು ಸಹ ಇದೆ. ದೀರ್ಘ ಕಾಲ ಯಾವುದೇ ಅಧಿಕ ಆರೈಕೆ ಇಲ್ಲದೆ ನಮ್ಮ ಪರಿಸದಲ್ಲಿ ಸೊಂಪಾಗಿ ಬೆಳೆಯುವ ಮರ.

ಬಿಲ್ವಪತ್ರೆ ಮರವು ಮಧ್ಯಮ ಗಾತ್ರದ ವೃಕ್ಷವಾಗಿದ್ದು, ಅಂದಾಜು 15 ಮೀಟರ್ ತನಕ ಎತ್ತರಕ್ಕೆ ಬೆಳೆಯಬಹುದು. ಭಾರತ, ಶ್ರೀಲಂಕಾ, ನೇಪಾಳ, ಬಾಂಗ್ಲಾದೇಶ ಮತ್ತು ಮ್ಯಾನ್ಮಾರ್‌ಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಬಿಲ್ವ ಮರದ ಬಿಲ್ವಪತ್ರೆ ಮೂರು ಎಲೆಗಳ ಒಂದು ಸಂಗಮದಂತೆ ಕಾಣುತ್ತದೆ. ಬಿಲ್ವಪತ್ರೆಯ ಹಣ್ಣುಗಳು ಗೋಳಾಕಾರದಲ್ಲಿ ಬೆಳೆಯುತ್ತದೆ. ಕಾಯಿ ಹಸಿರು ಬಣ್ಣದಲ್ಲಿದ್ದು, ಹಣ್ಣಾದ ನಂತರ ಹಳದಿ ಅಥವಾ ಕಿತ್ತಳೆ ಬಣ್ಣಕ್ಕೆ ಬದಲಾಗುತ್ತದೆ. ಹಣ್ಣಿನ ಒಳಭಾಗದಲ್ಲಿ ಸಿಹಿಯಾದ ತಿರುಳು ಮತ್ತು ಬೀಜಗಳಿರುತ್ತವೆ. ಕೊಂಬೆಗಳಲ್ಲಿ ಮುಳ್ಳುಗಳು ಸಹ ಇರುತ್ತವೆ.

ವೈಜ್ಞಾನಿಕ ವಿಚಾರಗಳು

ಬಿಲ್ವಪತ್ರೆಯು ರುಟೇಸೀ ಸಸ್ಯ ಕುಟುಂಬಕ್ಕೆ ಸೇರಿದ ಮರವಾಗಿದೆ.

ವರ್ಗೀಕರಣ:

ಕುಟುಂಬ: ರುಟೇಸೀ (Rutaceae)
ಜಾತಿ: ಏಗಲ್ (Aegle)
ಪ್ರಭೇದ: ಮಾರ್ಮೆಲೋಸ್ (Marmelos)
ವೈಜ್ಞಾನಿಕ ಹೆಸರು: ಏಗಲ್ ಮಾರ್ಮೆಲೋಸ್ (Aegle marmelos)

ಬಿಲ್ವಪತ್ರೆ ಅನೇಕ ರಾಸಾಯನಿಕ ಅಂಶಗಳಿಂದ ಕೂಡಿದೆ, ಅವುಗಳಲ್ಲಿ ಕೆಲವು ಆಲ್ಕಲಾಯ್ಡ್‌ಗಳು, ಕುಮರಿನ್‌ಗಳು, ಟ್ಯಾನಿನ್‌ಗಳು, ಫ್ಲೇವನಾಯ್ಡ್‌ಗಳು, ಸಪೋನಿನ್‌ಗಳು, ವಿಟಮಿನ್ ಸಿ. ಬಿಲ್ವಪತ್ರೆಯ ಔಷಧೀಯ ಗುಣಗಳ ಬಗ್ಗೆ ಹೇಳುವುದಾದರೆ, ಆಂಟಿಬ್ಯಾಕ್ಟೀರಿಯಲ್, ಆಂಟಿವೈರಲ್, ಆಂಟಿಫಂಗಲ್, ಆಂಟಿಆಕ್ಸಿಡೆಂಟ್ ಗುಣಗಳನ್ನು ಹೊಂದಿದೆ.

ಬಿಲ್ವಪತ್ರೆಯ ಔಷಧೀಯ ಗುಣಗಳ ಬಗ್ಗೆ ಸಂಶೋಧನೆಗಳು ನಡೆದಿವೆ. ಇದರ ಪ್ರಕಾರ ಬಿಲ್ವಪತ್ರೆಯು ಮಧುಮೇಹ, ಅತಿಸಾರ, ಭೇದಿ, ಹೊಟ್ಟೆನೋವು ಮತ್ತು ಚರ್ಮದ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ಸಹಾಯಕವಾಗಿದೆ ಎಂದು ಹೇಳಲಾಗುತ್ತದೆ. ಅಷ್ಟೇ ಅಲ್ಲದೆ ಬಿಲ್ವಪತ್ರೆಯು ಮನುಷ್ಯನ ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಹಾಗು ದೇಹವನ್ನು ಸೋಂಕುಗಳಿಂದ ರಕ್ಷಿಸುತ್ತದೆ. ಬಿಲ್ವ ಪತ್ರೆಯು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ನಿಯಂತ್ರಿಸಲು ಅತೀ ಸಹಾಯಕವಾಗಿದೆ, ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಉಪಯುಕ್ತವಾಗಿದೆ. ಹಾಗೆಯೇ ಮನುಷ್ಯನ ದೇಹದ ಯಕೃತ್ತನ್ನು ವಿಷಕಾರಿ ವಸ್ತುಗಳಿಂದ ಕಾಪಾಡುವ ಉತ್ತಮ ಗುಣಗಳನ್ನು ಹೊಂದಿದೆ.

ಧಾರ್ಮಿಕ ವಿಚಾರಗಳು

ತ್ರಿದಳಂ ತ್ರಿಗುಣಾಕಾರಂ ತ್ರಿನೇತ್ರಂ ಚ ತ್ರಿಯಾಯುಧಂ|
ತ್ರಿಜನ್ಮಪಾಪಸಂಹಾರಂ ಏಕಬಿಲ್ವಂ ಶಿವಾರ್ಪಣಂ ||

ಮೂರು ದಳಗಳನ್ನು ಹೊಂದಿರುವ ಒಂದು ಬಿಲ್ವಪತ್ರೆ ಸತ್ತ್ವ, ರಜಸ್ ಮತ್ತು ತಮಸ್ ಎಂಬ ಮೂರು ಗುಣಗಳನ್ನು ಪ್ರತಿನಿಧಿಸುವುದಲ್ಲದೆ, ಮೂರು ಕಣ್ಣುಗಳನ್ನು ಹೊಂದಿರುವ ಮುಕ್ಕಣ್ಣ ಅಂದರೆ ಶಿವನ ರೂಪವನ್ನು ನೆನಪಿಸುತ್ತದೆ. ತ್ರಿಶೂಲ, ಡಮರು ಮತ್ತು ನಾಗ ಎಂಬ ಮೂರು ಆಯುಧಗಳನ್ನು ಸೂಚಿಸುತ್ತದೆ. ಒಂದೇ ಒಂದು ಬಿಲ್ವಪತ್ರೆಯನ್ನು ಶಿವನಿಗೆ ಅರ್ಪಿಸಿ ಮೂರು ಜನ್ಮಗಳ ಪಾಪಗಳನ್ನು ಕಳೆದುಕೊಳ್ಳಬಹುದು.

ಹೇಗೆ ತುಳಸಿ ವಿಷ್ಣು ಪ್ರಿಯವೋ ಹಾಗೆಯೇ ಬಿಲ್ವಪತ್ರೆ ಶಿವ ಪ್ರಿಯ. ಶಿವನ ಪೂಜೆಗೆ ಮೊದಲು ಎಂದರೂ ತಪ್ಪಾಗಲಾರದು.

ಬಿಲ್ವಪತ್ರೆಯ ಮೂರು ದಳಗಳು ತ್ರಿಮೂರ್ತಿಗಳಾದ ಬ್ರಹ್ಮ, ವಿಷ್ಣು ಮತ್ತು ಮಹೇಶ್ವರರನ್ನು ಪ್ರತಿನಿಧಿಸುತ್ತವೆ ಎಂದು ಸಹ ಹೇಳಲಾಗುತ್ತದೆ. ಈ ಮೂರು ದಳಗಳು ಶಿವನ ಮೂರು ಕಣ್ಣುಗಳು ಎಂಬ ನಂಬಿಕೆ ಸಹ ಇದೆ. ಬಿಲ್ವಪತ್ರೆ ಮರದಲ್ಲಿರುವ ಬೇರು ಈಶ್ವರನ ಸಂಕೇತವಾಗಿದ್ದು, ಮುಳ್ಳುಗಳು ಶಕ್ತಿ ಮಾತೆಯನ್ನು, ಕೊಂಬೆಗಳು ವೇದಗಳನ್ನು ಸಂಕೇತಿಸುತ್ತದೆ.

ಬಿಲ್ವಪತ್ರೆಯ ಉಪಯೋಗಗಳು

ಇಂತಹ ಬಿಲ್ವವೃಕ್ಷದ ಅನೇಕ ಉಪಯೋಗಗಳಿವೆ. ಅವೆಲ್ಲವೂ ನಮ್ಮ ದೇಹಕ್ಕೆ ಅಡ್ಡ ಪರಿಣಾಮಗಳಿಲ್ಲದೆ ನಮ್ಮ ಸಮಸ್ಯೆಗಳನ್ನು ಉತ್ತಮವಾಗಿ ಪರಿಹರಿಸುತ್ತದೆ. ಇಂತಹ ಆರೋಗ್ಯವರ್ಧಕ, ರೋಗನಿರೋಧಕ ಹಾಗು ಪೋಷ್ಠಿಕಾಂಶಯುಕ್ತ ಬಿಲ್ವಪತ್ರೆಯ ಉಪಯೋಗ ಪಡೆದುಕೊಂಡು ಸ್ವಾಸ್ತ್ಯ ಜೀವನವನ್ನು ನಡೆಸೋಣ ಅಲ್ಲವೇ?

ಪ್ರಕೃತಿಯ ಮಡಿಲಲ್ಲಿ ಬೆಳೆಯುವ ಬಿಲ್ವ ಮರದ ಸಂಪೂರ್ಣ ಪರಿಚಯವನ್ನು ಈ ಲೇಖನದಲ್ಲಿ ನಾವು ಅರಿತ್ತಿದ್ದೇವೆ. ಬೇರಿನಿಂದ ಮರದ ಕಾಯಿಯವರೆಗಿನ ಎಲ್ಲವು ಕೂಡ ಉಪಯುಕ್ತವೇ ಆಗಿದ್ದು, ನಮ್ಮ ಪರಿಸರದ ಅಮೂಲ್ಯ ಆಸ್ತಿಯಾಗಿದೆ. ಇಂತಹ ಬಿಲ್ವ ವೃಕ್ಷದ ಪರಿಚಯವನ್ನು ಎಳೆ ಎಳೆಯಾಗಿ ನಿಮ್ಮ ಮುಂದಿಡುವ ಪ್ರಯತ್ನ ನಮ್ಮದು.

ಬಿಲ್ವ ವೃಕ್ಷದ ಇನ್ನೂ ಅನೇಕ ಉಪಯೋಗಗಳನ್ನು ಮುಂದಿನ ಲೇಖನಗಳಲ್ಲಿ ನಿರೀಕ್ಷಿಸಿರಿ.

ನಿಮ್ಮ ಅನಿಸಿಕೆ, ಮತ್ತು ಅಭಿಪ್ರಾಯಗಳನ್ನು ಕಾಮೆಂಟ್ ಮೂಲಕ ಹಂಚಿಕೊಳ್ಳಿ! 😊 ಹಾಗೂ, ಹೆಚ್ಚು ಮಾಹಿತಿಪೂರ್ಣ ಲೇಖನಗಳಿಗಾಗಿ GruhaSnehi.com ಭೇಟಿ ನೀಡಿ.

ಡಿಸ್ಕ್ಲೈಮರ್: ಈ ಬ್ಲಾಗ್‌ನಲ್ಲಿ ನೀಡಿರುವ ಮಾಹಿತಿಯು ಕೇವಲ ಸಾಮಾನ್ಯ ಉದ್ದೇಶಗಳಿಗಾಗಿ. ವೈದ್ಯಕೀಯ, ಹಣಕಾಸು, ಹೂಡಿಕೆ ಅಥವಾ ಕಾನೂನು ಸಲಹೆಗೆ ತಜ್ಞರನ್ನೇ ಸಂಪರ್ಕಿಸಿ. ಈ ಬ್ಲಾಗ್‌ನಲ್ಲಿ ಶೇರ್ ಮಾಡಲಾದ ಯಾವುದೇ ಆಹಾರ ಅಥವಾ ಪಾಕವಿಧಾನಗಳನ್ನು ಬಳಸುವ ಮೊದಲು, ನಿಮ್ಮ ಆರೋಗ್ಯ ಸ್ಥಿತಿಗೆ ಅನುಗುಣವಾಗಿ ಅಥವಾ ಯಾವುದೇ ಅಲರ್ಜಿಯ ಕುರಿತು ತಜ್ಞರ ಸಲಹೆ ಪಡೆಯಲು ಶಿಫಾರಸು ಮಾಡಲಾಗುತ್ತದೆ. ಈ ಪೋಸ್ಟ್‌ನಲ್ಲಿ ಬಳಸಲಾದ ಯಾವುದೇ ಚಿತ್ರಗಳು ಅಥವಾ ಲೋಗೋಗಳು ಆಯಾ ಮಾಲೀಕರ ಆಸ್ತಿಯಾಗಿದ್ದು, ವಿವರಣಾತ್ಮಕ ಉದ್ದೇಶಗಳಿಗಾಗಿ ಮಾತ್ರ ಬಳಸಲಾಗುತ್ತದೆ.

Spread the love

GruhaSnehi

Next ಅಂಜೂರ ಹಣ್ಣಿನ ಆರೋಗ್ಯ ಲಾಭಗಳು | ದಿನನಿತ್ಯಕ್ಕೆ ಸೇವನೆಯಿಂದ ದೈಹಿಕ ಶಕ್ತಿ ಮತ್ತು ಜೀರ್ಣ ಕ್ರಿಯೆಗೆ ಅತ್ಯುತ್ತಮ (Health Benefits of eating Anjeer or Fig Fruits) »

Previous « ಮೊಣಕಾಲು ನೋವಿಗೆ ಸರಳ ಶಾಶ್ವತ ಪರಿಹಾರ ಮನೆಯಲ್ಲೇ ಮಾಡಿ - ಪರಿಣಾಮಕಾರಿ ಸೇಬು ಪಾನೀಯ (Knee Pain home remedies)

View Comments

Keshava Bhat Kalkar says:

June 17, 2025 at 12:47 pm

Bilwapathre gidada Vamsha Vruddhi 10 mts to 20mts thanaka
Pasarisuva berugalinda chigurodedu gidagalaguthave.
Avugalannu ache-eechege 4"
bittu thundarisi Netware gidagalu
bega melebaruthave.Heegene
kombegalannu nettare gidagalu
badukuvudilla.Beru barisi kasimadidare badukuva saadhyathe yide.Chaligaaladalli Bilwa yeligalu uduri hosachiguru
baruvudu roodhi.Sekhegaala
(Besige)yalli bilwakai Sharabathu
Thampaada,Arogyakara Paaneeya.Berininda berpadisida
gidagalanuu neduvaaga 2 badiya
berugalannu Uthara-Dakshinabhi
mukhavaaginedabeku.Vaasthuprakaara Bilwa gidavannu maneya Eeshanya dikkinalli nettare Uthama...Hare Raamaa..🕉 Nama Shivaayaa...😄👌👍🙏
- GruhaSnehi says:
  
  June 17, 2025 at 4:16 pm
  
  Thank you :)