ಬೇಸಿಗೆಯ ಬಿಸಿಯ ತಣಿಸುವ ಕಲ್ಲಂಗಡಿ ಹಣ್ಣು – ಇದನ್ನು ತಿನ್ನುವುದರಿಂದ ದೇಹಕ್ಕೆ ಎಷ್ಟು ಪ್ರಯೋಜನಗಳಿವೆ ಗೊತ್ತೇ?

ಕಲ್ಲಂಗಡಿ ಮನೆಮದ್ದುಗಳಿಗೆ ಮಾತ್ರವಲ್ಲದೆ ನಮ್ಮ ಸೌಂದರ್ಯ ಕಾಪಾಡಿಕೊಳ್ಳಲು ಕೂಡ ಉತ್ತಮವಾಗಿದೆ. ಕಲ್ಲಂಗಡಿ ಹಣ್ಣಿನ ರಸದಲ್ಲಿ ಹಸಿರು ಬಟಾಣಿ ಹಾಗೂ ಕೆಂಪು ಅಕ್ಕಿಯನ್ನು ಹಾಕಿ ಒಂದು ಡಬ್ಬದಲ್ಲಿ ಗಟ್ಟಿಯಾಗಿ ಮುಚ್ಚಿಡಬೇಕು. ಒಂದು ವಾರದ ನಂತರ ಮುಚ್ಚಿದ್ದನ್ನು ತೆಗೆದು ಚೆನ್ನಾಗಿ ಒಣಗಿಸಿ ಪುಡಿಮಾಡಿಟ್ಟುಕೊಳ್ಳಬೇಕು. ಈ ಪುಡಿಯನ್ನು ಹಾಲಿನೊಂದಿಗೆ ಕಲಸಿ ಮುಖಕ್ಕೆ ಫೇಸ್ ಪ್ಯಾಕ್ ಹಾಕಿಕೊಳ್ಳಬೇಕು. ನಿತ್ಯ ಸತತವಾಗಿ ಮಾಡಿದರೆ ಮುಖದಲ್ಲಿನ ಕಲೆಗಳು ಕಡಿಮೆಯಾಗುತ್ತದೆ. ಮುಖದ ಕಳೆಯು ಹೆಚ್ಚುತ್ತದೆ.

ಇನ್ನೂ ಕಲ್ಲಂಗಡಿ ಇಂದ ಅನೇಕ ಖಾದ್ಯಗಳನ್ನು ತಯಾರಿಸಬಹುದು. ಹಾಗೆ ಹಣ್ಣನ್ನು ತಿಂದರೆ ಎಂಥಹ ರುಚಿ!!! ಬಳ್ಳಿಯಲ್ಲಿ ಹುಟ್ಟಿ ಬೆಳೆದು ಅತ್ಯಂತ ಸಿಹಿ ರುಚಿಯನ್ನು ಪಡೆದು, ಅನೇಕ ಸಮಸ್ಯೆಗಳಿಗೆ ಮನೆಮದ್ದಾಗಿರುವ ಕಲ್ಲಂಗಡಿಯಲ್ಲಿ ಕಡಿಮೆ ಕ್ಯಾಲೋರಿ ಇದ್ದು ತೂಕ ಇಳಿಕೆಗೆ ಹಾಗೂ ಡಯಟ್ ಗೆ ಉತ್ತಮ ಆಹಾರವಾಗಿದೆ. ಜಾಸ್ತಿ ಆಯಾಸ ಬಳಲಿಕೆ ಕಂಡು ಬಂದರೆ ಕಲ್ಲಂಗಡಿ ಹಣ್ಣು ಉತ್ತಮವಾಗಿದೆ. ಹೆಣ್ಣು ಮಕ್ಕಳಲ್ಲಿ ಕಂಡು ಬರುವ ಕೆಲವು ಸೂಕ್ಷ್ಮ ಸಮಸ್ಯೆಗಳಿಗೂ ಕಲ್ಲಂಗಡಿ ಹಣ್ಣು ಸಹಾಯಕಾರಿಯಾಗಿದೆ. ಕಲ್ಲಂಗಡಿಯಲ್ಲಿ ರಕ್ತ ಶುದ್ಧಗೊಳಿಸುವ ಗುಣವಿದ್ದು, ಅದು ಚರ್ಮದ ಕಾಂತಿಗೆ ನೆರವಾಗುತ್ತದೆ. ಹಣ್ಣು ಮಾತ್ರವಲ್ಲದೆ ಸಿಪ್ಪೆಯ ಬಿಳಿಯ ತಿರುಳನ್ನು ಕೂಡ ಅಡುಗೆಗೆ ಬಳಸಬಹುದು. ಇಷ್ಟೆಲ್ಲ ಉಪಯೋಗ ಇರುವ ಕಲ್ಲಂಗಡಿಯನ್ನು ಬೇಗನೆ ತಿಂದು, ಅದರ ಸದುಪಯೋಗಗಳನ್ನು ಪಡೆದುಕೊಳ್ಳೋಣ.